Zərgərlik əşyalarıma necə qulluq etməliyəm?

925 Gümüş
Hər bir zərgərlik aksesuarı bənzərsiz bir sənət əsəridir. Nəcib metallardan hazırlanmış zinət əşyaları, eləcə də əlvan metallardan hazırlanan qalantereya qayğı tələb edir. Aksesuarların uzun müddət ilkin görünüşünü qoruyub saxlaması üçün onlara düzgün qulluq etmək lazımdır. Qaralma və ya ləkə tutma səbəbləri, necə qorumalı və qulluq olunmalı barədə məlumatı aşağıda qeyd olunan mətnlərdən əldə edə bilərsiniz.

– Ev işləri zamanı (paltar və qab yuyarkən, yemək hazırlayarkən və s.) zərgərlik aksesuarlarını çıxartmaq tövsiyə olunur. Mexaniki zədələnmədən qorunmalıdır.
– Bir çox müasir dəriyə qulluq və dekorativ kosmetika məhsullarının tərkibləri civə kimyəvi elementini ehtiva edir. Az bir hissəsi belə qiymətli metallara və ərintilərinə təsir göstərir.
– Sürətlə dəyişən temperaturlara, uzun bir işıq və istilik mənbəyinə məruz qaldıqda məhsullar təbii daşların rəngini dəyişə bilər.
– İdmanla məşğul olarkən, gözəllik müalicəsi, sauna, hovuz və duş qəbul edərkən zərgərlik aksesuarlarını çıxartmaq tövsiyə olunur.
– Hər bir məhsulu ayrı qablaşdırmada saxlayın. Rütubətdən və çəkməcədə olan dəriyə qulluq və dekorativ kosmetika məhsullarının kimyəvi tərkib hissəsindən qorumaq üçün hava keçirməz vakuum tipli zərgərlik paketlərində və ya parça torbalarda saxlamağınız məsləhət görülür.
– Xlor və yod, civə və kükürd tərkibli maddələrdən, eləcə də yuyucu vasitələrdən uzaq tutun.
– Makiyajdan və spirt tərkibli ətrdən istifadə etdikdən sonra aksesuarı taxın (Tərkibində olan kimyəvi elementlər gümüşü soldura və həssas daşları zədələyə bilər, əsasən də ağardıcı tərkibə malik olan kremlər).

– 925 əyarlı gümüş maddə havada hidrogen sulfidə məruz qalması nəticəsində ləkələnir və qaralır.
– Bu reaksiya ən fəal rütubətli mühitdə baş verir, çünki rütubət istənilən metalın korroziyasında böyük rola sahibdir.
– Qızıl örtüyünə (örtük qalınlığı 0,7 mikron) sahib olan gümüş aksesuarlar xüsusi diqqət tələb edir.
– Örtük kifayət qədər dözümlüdür, lakin güclü mexaniki təsir altında zədələnə və ya məhv ola bilər. Bu məhsulları güc tətbiq etmədən təmizləmək lazımdır.

925 əyarlı gümüş zərgərlik aksesuarlarını ev şəraitində bərpa edilməsi

Aksesuarınızın ilkin parlaqlığını əldə etmık üçün isti sabunlu su ilə yuyun. Suya naşatır(ammonyak) spirti və ya soda əlavə etməyi unutmayın ( 1 litr suya 1 yemək qaşığı naşatır(ammonyak) spirti və ya 1 litr suya 50 qram soda). Daha sonra təbaşir (diş tozu) və naşatır(ammonyak) qarışığı ilə nəmləndirilmiş yumşaq bir parça ilə təmizləyin.
Yuxarıda qeyd olunan təmizləmə texnikası mirvari və mərcan daşı ilə bəzədilən aksesuarlar üçün uyğun deyildir. Daşlar rəng dəyişə bilər.
Təmizləmə əməliyyatından sonra aksesuarı yumuşaq parça və ya saç qurutma maşını, nəm qalmamaq şərti ilə qurutmaq lazımdır.
Zərgərlik məmulatlarını təmizləmək üçün yuyucu maddələrdən istifadə edilməsi məsləhət görülmür.

Müvafiq qayğı ilə aksesuarlarınız uzun müddət xidmət göstərəcək və gözəlliklərindən məmnun qalacaqsınız.

Gold Vermeil
14K zinət əşyanızı parlaq və örtüyünü mümkün qədər uzun müddət saxlamaq üçün ilıq su altında təmiz və yumuşaq diş fırçası ilə yüngülcə ovuşdurun. Bu zərgərlik əşyanızı hər hansı ləkədən vəya yad cisimdən təmizləmək üçündür. Sifarişinizə daxil olan cilalama parçasını istifadə edərək, zinət əşyanızı yumşaq şəkildə cilalaya bilərsiniz.

Qiymətli metallar və almazlar ömrünü uzatmaq üçün qayğı və diqqət tələb edir. Gündəlik istifadə üçün nəzərdə tutulsalar da, üzüklər müntəzəm qulluq tələb edir. Üzüklərinizi hər 6-12 aydan bir (yerli zərgəriniz vasitəsilə) təmizləməyi və yoxlamağı tövsiyə edirik. Müntəzəm qulluq üçün sifarişinizlə birlikdə olan cilalayıcı parçadan istifadə edə bilərsiniz. Daş itkisinin qarşısını almaq üçün dişlərin düzgün saxlandığından əmin olun.

Dəri Məhsullar
Üzərində toplanmış tozu silmək üçün mikrofiber parçadan istifadə edərək yumşaq bir şəkildə silin! Rəngi ​​uzatmaq üçün onları birbaşa günəş işığından uzaq tutmaq məsləhət görünür.

Cilalama parçanı necə istifadə etməliyəm?

Zinət əşyanızın parlaq görünməsini təmin etmək üçün səthi cilalayıcı parça ilə yumşaq bir şəkildə silin. Parçanın tərkibindəki təmizləyici maddədən təmizlənmək üçün parçadan istifadə etdikdən sonra əllərinizi yuyun.

Parça üzərində tünd ləkələr normaldır və onun düzgün işləməsinə işarədir! Parçanın tərkibində cilalanan əşyanın səthindən təmizlənmiş kir, yağ və qalıqları çıxaran xüsusi təmizləyici maddə var. Cilalama parçasını heç vaxt yumayın, çünki o, effektivliyini itirəcək. Uşaqların əli çatmayan yerdə saxlayın.